HDP’ê encamnameya ‘Hevdîtina Edaletê’ aşkera kir

HDP encamnameya civîna ku duh di çarçoveya ‘Hevdîtina Demokrasiyê’ de li Enqereyê bi mexdûrên KHK'ê re pêk anîbû, aşkera kir. HDP'ê di encamnameyê de diyar kir ku ew ji KHK'yan re dibêjin na û dê tu kes edaletê diyarî wan neke, dê edaletê bi têkoşînê bi dest bixin

Partiya Demokratîk a Gelan (HDP) di çarçoveya ‘Hevdîtinên Demokrasiyê’ de li Enqereyê bi mexdûrên KHK û OHAL’ê re civîna ‘Hevdîtina Edaletê’ pêk anî. Buroya Çapeeniyê ya HDP’ê encamnameya civînê bi raya giştî re parve kir.

Di encamnameyê de hat diyarkirin ku pergala daraza bi partiyî ku îktîdara AKP’ê avakiriye, li pêşketina edaletê astengiya herî mezin e û wiha hat gotin: “Em dê hemû bê hiqûqî û bê edaletiyê di nava civakê û cîhanê de teşîr bikin. Dê tu kes edaletê diyarî me neke. Em ê bi têkoşînê xwe edaletê bi dest bixin.  Em kesên di 4’emîn salvegera OHAL’a ku îktîdara AKP’ê îlan kiriye de li hev kom bûn, kesên bûne mexdûrên zilma OHAL û KHK’yan. Em li dora daxwaza edaletê hatin cem hev. Em pir aşkera li dijî darbeyên siyasî û leşkerî ne. Têkoşîna me ya edaletê wekî roja ewil zindî û bi hêz e. Em bê pirsîn û lêpirsîn ji karê xwe hatin avêtin. Em terkî mirina medenî kirin. Em kedkarên cemaweriyê yên bi KHK’yan ji karê xwe hatin dûrxistin û rê li pêşiya karên wan hatin girtin in. Em ji her fikrên cuda yên siyasî wekî kedkar bûm mexdûrê ve zilmê. Em mafê xwe dixwazin. Em mafê xwe yê bi OHAL û KHK’yan ji destê me hatiye girtin paşve dixwazin.”

Di encamnameyê de bang li hemû kedkar û karkerên ku bi KHK’ê mafê wan ji destê wan hatiye girtin kirin û encamname wiha bi dawî bû: “Em ji bo li karê xwe vegerin û mafê xwe yê zagonî bi dest bixin, ji bo welatekî ku hemû maf bên dayîn têdikoşin. Em hemû kedkarên mexdûrên KHK’ê, bang li hemû mexdûran dikin ku xwe bi rêxistin bikin û bên cem hev û bi hevre têkoşînê mezin bikin. Dê tu kes edaletê diyarî me neke. Em ê bi têkoşînê edaletê bi dest bixin.” ENQERE

Dikarî Biecibînî