Ji Rêveberiya Xweser tedbîrên vîrusa koronayê

Rêveberiya Xweser a Bakur û Rojhilatê Sûriyeyê rêzetedbîrên pêşîlêgirtina berbelavbûna vîrusa koronayê li herêmê girtin, her wiha bal kişand ser ku pêwîst e tevahî rêbazên parastin û dûrketina civakî bê girtin

Navenda Nûçeyan |

Desteya Tenduristî ya Rêveberiya Xweser duh di civîneke çapemeniyê de ragihand ku 4 kes li bakur û rojhilatê Sûriyeyê bi vîrusa koronayê ketine. Lê der bare pêşîlêgirtina vîrusê de, hevserokatiya Meclisa Rêveber a Rêveberiya Xweser îro bi biryarekê gelek tedbîran girt.

Biryara bi jimareya 85 wiha ye:

1-Tevahî dergehên sînor ji (îro sibehê ve) 24.07.2020’an bi awayekî giştî bên girtin.

2-Çi rewşeke mirovî ku ji 24.07.2020’an de derbasî herêmên Rêveberiya Xweser be, 14 rojan bikevin karantînayê.

3-Qedexe ye cezaneyên miriyan, bi sedema pandemiya koronayê derbasî herêmên Rêveberiya Xweser a Bakur û Rojhilatê Sûriyeyê bin.

4-Kombûn, şahî, zemawend û konên sersaxiyê ji bo parastina tenduristiya giştî, qedexe ye.

5-Nimêjin komî li cihên olî (perestgehan), ji bo parastina tenduristiya giştî heta demeke ne diyar qedexe ye.

6-Karê xwaringehan tenê ji bo xwestekên derve ye.

7-Ji gelê li bakur û rojhilatê Sûriyeyê ye tê xwestin ku li gorî tedbîrên tenduristî û dûrketina civakî li tevahî dervan tev bigerin(cihên kar-cihên giştî).

8-Ji saziyên têkildarî dergehan tê xwestin ku tedbîrên tenduristî yên tund li ser dergehan bigirin(kes, kel û pel).

9-Dema vê biryarê ji dema derketinê de heta 15 rojan e.

Dikarî Biecibînî