Li Kato Jîrkayê çalakiya sabotajê: 4 leşker hatin cezakirin

Gerîlayan li herêma Kato Jîrka li dijî leşkerên artêşa tirk a di nava tevgerê de bûn çalakiyeke sabotajê kirin. Di vê çalakiyê de 4 leşker hatin cezakirin

Navenda Ragihandin û Çapemeniyê ya HPG’ê li ser çalakiyên gerîla û êrîşên dagirkeriyê bi daxuyaniyeke nivîskî agahî da.

HPG’ê di daxuyaniya xwe de ev agahî parve kir:

“Li devera Deriyê Qaçê yê dikeve herêma Kato Jîrka ya girêdayî navçeya Elkê ya Şirnexê yekîneyeke ya dijmin a di nava tevgerê de bû kete di bin kontrola hêzên me. Ev yekîneya dijmin a demekê ji aliyê hêzên me ve hate şopandin, hêzên me di çarçoveya Pêngava Şoreşgerî ya Şehîd Mawa û Şehîd Rizgar Gever a li herêmê dewam dike 29’ê tîrmehê saet 16:30’î bi rêbaza sabotajê çalakiyek hatiye kirin. Di vê çalakiyê de ku bi xurtî li dijîmin hate xistin, 4 leşker hatin cezakirin, yek jî birîndar bû.

13’yê hezîranê artêşa TC’ê li devera Çirav a li Herêma Gabar a Şirnexê dest bi operasyonekê kiribûn. Artêşa TC’ê ya saet 15:00 û 21:30’î bi balafirên şer herêm bombe kir bi desteka helîkopterên şer bi Skorsky leşker li herêmê danî. Ev pêvajoya operasyonê ku heta 14’ê hezîranê dom kir di şer û bomberdûmanê de hevrêyên me Delîl, Şervan û Rûhal şehîd bûne. Em ê piştre nasnameya hevrêyên xwe yên şehîd bûne bi raya giştî re parve bikin.

30’ê hezîranê artêşa TC’ê li hemberî Tabura Ereban a girêdayî herêma Avaşîn a Herêmên Parastinê yên Medyayê bi obus û hewanan bombe kir. Di vê bomberdûmanê de li herêma daristanê şewat derket.” BEHDÎNAN 

Dikarî Biecibînî