Malbatan di meha 58’an de qurbaniyên GAR’ê bi bîr anîn

Malbatên ku zarok û xizmên wan di Komkujiya GAR'a Enqereyê de ji aliye DAIŞ'ê ve hatibûn qetilkirin di meha 58’an de dîsa kom bûn û gotin ku dê her tim bêjin aştî

Malbatên 103 kesên ku di mîtînga Aştî û Demokrasiyê ya 10’ê Cotmeha 2015’an de li GAR’a Enqereyê ji aliyê DAIŞ’ê ve hatin qetilkirin, kesên jiyana xwe ji dest dabûn bi bîr anîn. Komeleya Piştevanî û Aştiyê ya 10’ê Cotmehê  (10 Ekim-Der), di meha 58’an de bername li dar xist û kesên hatin qetilkirin bi bîr anîn. Ji ber şewba vîrûsa coronad^ğ (Covid-19) hindik malbat amade bûn. Li qadê ewil rêz girtin û piştre kesên jiyana xwe ji dest dane bi bîr anîn. Rêveberê 10 Ekim-Derê Îhsan Seylan diyar kir ku ew dê heta dawî bêjin aştî û li her derê banga aştiyê bilind bikin û destnîşan kir ku dê heta dawiyê têkoşîna xwe ya ji bo aştî û demokrasiyê berdewam bikin.

Seylan ji rayedarên şaredariyê xwest ku demek berî demekê xebatên bîrdariyê bi dawî bikin û wiha got: “58 meh in em lêgerîna aştî û edaletê berdewam dikin. Kesên di 10’ê Cotmehê de li vê qadê bûn, ji bo aştî û demokrasiyê hatibûn vê qadê. Wan ji bo me canê xwe da. Em ê jî ji bo doza wan têbikoşin. Em ê têkoşîna aştî, demokrasî û kedê mezintir bikin. Ne 5 sal 500 sal jî derbas bibin em ê navê kesên hatin qetilkirin bi bîr bînin.”

Çalakî bi dirûşma “10’ê Cotmehê ji bîr neke û nede ji bîr kirin” bi dawî bû. ENQERE

Dikarî Biecibînî