Komek din a ciwanên Başûr tev li seferberiya Heftanînê bûn

Komek din ciwanên Başûr li dijî dagirkeriya dewleta tirk tev li seferberiya ji bo parastina Heftanînê û giştî başûrê Kurdistanê bûn

Navenda Nûçeyan |

Ciwanên başûrê Kurdistanê li dijî dagirkeriya tirk a li ser Başûr ref bi ref tev li nava refên gerîla dibin. Li ser banga Ciwanên Welatparêz ên Kurdistanê û Rêxistina Jinên Ciwan ên Têkoşer, ciwanên Başûr tev li seferberiya dijî dagirkeriyê dibin.

Divê çarçoveyê de komek din a ciwanên Başûr tev li nava refên gerîlabûn. Ciwanên ku tevlibûne têkildarî sedema tevlibûna xwe bi rêya Nûçe Ciwan peyameke dîtbarî belavkirin.

Ciwanên ku tev li gerîlabûn diyar kirin ew ji bo parastina destkeftiyên kurd ji êrîşan tev li gerîla dibin û wiha gotin: “ Em ciwanên başûrê Kurdistanê bi aliyê Partiya Karkerên Kurdistanê ve diçin û amade ne mil bi milê gerîlayan xwedî li mafên rewa yê gelê kurd derbikevin. Dewleta tirk a dagirker û neteweperest dixwaze bi nûkirina peymana Mîsaka Milî û xilafeta Osmanî komkujiyan li ser gelê herêmê bi taybetî gelê kurd pêk bîne. Em weke ciwanên Başûr û ciwanên xwedî helwest weke erkê exlaqî û niştîmanî bangewazî dikin û daxwaz dikin ku xwedî li xaka Kurdistanê derkevin û tev li şerê Cenga Heftanînê bibin.”

Dikarî Biecibînî