CÎK: Dem dema azadkirina kurd û Kurdistanê ye

CÎK’ê bi daxuyaniyekê piştevaniya xwe ya ji bo pêngava KCK’ê ya ‘Dem Dema Azadiyê ye’ ragihand û wiha got: “Werin em bi hev re, bi têkoşinê zalim û dagirkeran ji xaka pîroz biqewirînin.”

Navena Nûçeyan |

Civaka Îslamî ya Kurdistanê (CÎK) bi daxuyaniyekê piştevaniya xwe ya ji bo pêngava KCK’ê aşkera kir û got ku dema dema xwedîderketina têkoşîna kesên ku ji bo gel û welat cangorî bûne.

Di peyama CÎK’ê de ev tişt hat gotin: “Gelê me yê ku li hember zilmê dijî lê li hember zaliman serî ne tewandî ye!

Bi salane gelê me, bi baweriyekî mezin li dijî dewleta nîjadperest, kujer û tecawizkar têdikoşe. Dem dema ku em vê dewleta newêrek a li rexmî bangawazî yên gelê me yên ji bo aştî û biratiyê bersiv bi hovantiyê dide ku em bavêjin sergoya dîrokê.

Bi salane fîrewn û dewleta wî sonda qirkinê li me xwarî ye ku wehşet, qetlîam, zindan û wêrankirin bidin jiyîn bi nêvî yên Selaheddînê Eyûbî û Şêx Seîdê Kal ê ku rêbertî û xizmet kirine ji bo misilmanan.

Dem dema raperîn û bilingkirina têkoşîna li dijî zalim ên ku dixwazin me di çiya, berî, gund, bajar, mizgeft, dêr, malacemê, laleş û li hemû deverê cîhanê de tune bikin.

Em wek kurdên misilman berpirsyarî ya me, têkoşîn a ji bo têkbirina li dijî nîjadperest ên ku komkûjî ya li ser gelê me dikin û bazirganî ya baweriya me dikin.

Ferze li ser kesên bawermend, li her qadê ji bo sekinandina vê zilmê xwedî helwest be, berpirsyariya me hemûyane pêkanîna vê ferîzê li mizgeft û kolanan e.

Dem dema pêk anîna emrê Xwedê yê li dijî zilm û zordarîtî.

Dem dema azad kirina rêberên me yên di zindanan de ne.

Dem dema xwedî derketina têkoşîna kesên ku ji bo me û ji bo welatê me cangorî bûne.

Dem dema qêr kirina heqîqet û rastiyê û rabûna ser pêyan e yê li dijî dîn firoşan.

Dem dema azad kirina kurd û Kurdistanê ye.

Werin em bi hev re, bi têkoşin li dijî zalim û dagirkeran û wan biqewirînin ji xaka pîroz.”

Dikarî Biecibînî