aram

Di 10 salan de 280 êrîşên nijadperest pêk hatine

ÎHD’ê aşkera kir ku di nava 10 salan de 280 êrîşên nijadperest qewimîne û 47 goristana hatine rûxandin

Navenda Giştî ya Komeleya Mafê Mirovan (ÎHD) Rapora Taybet a Êrîşên Nijadperest a Demên Dawî û Sûcên Nefretê Li Tirkiyeyê bi raya giştî re parve kir. Di raporê de hat diyarkirin ku ji ber ku sererastkirinên yasayî yên derbarê sûcên nefretê de bi berfirehî nîne valahiya cidî ya yasayî derketiye holê û hat destnîşankirin ku di demên dawî de li dijî karkerên kurd û penaberên Sûriyeyê êrîşên nijadperest zêde bûne û ev yek jî ji ber polîtîkaya ‘bêcezakirinê’ diqewime.

Di raporê de hat gotin ku di sala 2019’an de kesek bi êrîşa nijadperest re, 5 kes jî ji ber LGBTÎ bûne di êrîşan de hatine kuştin û 27 kes jî di encama êrîşên nefretê de hatine birîndarkirin.

ÎHD’ê di raporê de destnîşan kir ku ji sala 2010’an heta niha 280 êrîşên nijadperest pêk hatine û di van êrîşan de 15 kes jiyana xwe ji dest dane û 97 kes jî birîndar bûne.

47 êrîşên rûxandina goristanan

Her wiha di raporê de hat diyarkirin ku di nava van salan de 47 êrîşên rûxandinê li dijî goristanan pêk hatine û hat destnîşankirin ku ev bûyer hemû ji ber polîtîkaya bêcezakirinê pêk tên û mînaka vê yekê jî berdana çawişê pispor Mûsa Orhan ê dest dirêjî Îpek Er kiribû û bûbû sedema kuştina Er hat nîşandan.

Di dewama raporê de cih dan bûyerên girîng ku pêk hatine. ENQERE

Dikarî Biecibînî