aram

Çeteyên dewleta tirk gelek darên zeytûnê birîn

Çeteyên girêdayî dewleta tirk a dagirker gelek darên zeytûnê yên li navçeya Şiyê ya Efrînê birîn

Artêşa dewleta tirk a dagirker û çeteyên wê li Efrînê sûcên xwe didomînin. Li gorî nûçeya Ajansa ANHA’yê ku ji çavkaniyên navçeya Şiyê girtiye, çeteyên bi navê Lîwa Weqas di 27’ê îlonê de 100 darên zeytûnê yên şêniyê bi navê Mihemed Silêman Îbrahîm ê ji gundê Hêkêçê birîne.

Çeteyên girêdayî artêşa tirk darên bermedar ên li Efrîna dagirkirî, bi taybet darên zeytûnê, dibirin da ku bazirganiyê pê bikin û bifiroşin. Li gorî agahiyên berê bi tonan êzing derbasî Tirkiyeyê dibin û li sûkan tên firotin.

2 sivîl revandin

Di heman demê de sûcên revandina sivîlan bi daxwaza fîdyeyan ji malbatên wan û serbestberdana wan didomin. Li gorî çavkaniyên ji navçeya Mabetayê çeteyên El-Emşat ên girêdayî artêşa tirk a dagirekr di 26’ê îlonê de 2 sivîl ji gundê Şîtkayê revandin.

Navên kesên hatine revandin wiha ne; Kemal Mihemed Hemîd Zêno (40) û Welîd Mihemed Zêno (35).

Her wiha li hember serbestberdanê çeteyan 150 hezar lîreyên Sûriyeyê xwest. ŞEHBA

Dikarî Biecibînî