Serokên baroyan bi serokê Meclisê Şentop re axivîn

Baroya Dersimê diyar kir ku têkildarî grevên birçîbûnê bi Serokê Meclisê Mustafa Şentop re hevdîtin pêk anîne û li ser çareseriya pirsgirêkê dan û standin kirine

Serokê Yekitiya Baroyên Tirkiyeyê (TBB) Metîn Feyzîoglû û serokên baroyên Dersim, Amed, Sêrt, Şirnex, Êlih, Çewlik û Wanê, duh têkildarî çalakiyên greva birçîbûnê bi Serokê Meclisa Tirkiyeyê Mustafa Şentop re hevdîtin pêk anîbûn. Baroya Dersim têkidlarî vê hevdîtinê daxuyaniyeke nivîskî weşan. Baroyê di daxuyaniyê de diyar kir ku hem bi Serokê Meclisê Mustafa Şentop û hem jî bi serok venêrê cemaweriyê re hevdîtin pêk anîne û di hevdîtinan de têkildarî çareseriya pirsgirêkê danûstana nêrînan kirine. Baroyê di berdewama daxuyaniya xwe de jî ev tişt anî ziman: “Em hêvî dikin ku bêyî xesar bigihîje kesî, pirsgirêk rojek zûtir di çarçoveya hîqûqa navxweyî û hiqûqa navneteweyî de bê çareserkirin. Her wiha weke ku em di serî de jî diyar dikin, li ser daxwazên malbatên ku serî li me dane, bang dikin ku bêyî ku xesar bigihîje çalakgerên greva birçîbûnê û rojiyê mirinê herkes bikeve nav hewldanên çareserkirina vê pirsgirêkê.” DÊRSÎM

 

Dikarî Biecibînî