Leyla Guven îro dê li meclisê dest bi xebatên xwe bike

Hevseroka KCD’ê Leyla Guven îro dê li Lijneya Giştî ya Meclisê sond bixwe û dest bi xebatên xwe yên fermî bike

Hevseroka Kongreya Civaka Demokratîk (KCD) û parlementera Partiya Demokratîk a Gelan (HDP) a Colemêrgê Leyla Guven, îro dê li Lijneya Giştî ya Meclisê sond bixwe. Guven piştî sond xwarinê, dê karibe beşdarî xebatên qanûnî bibe û bibe endamê komîsyonê.

Leyla Guven di 31’ê çileya 2018’an de hate girtin û dema ku di girtîgehê de, di 24’ê hezîranê de weke parlamentera HDP’ê ya Colemêrgê hate hilbijartin. Guven di 8’ê mijdarê de jî li Girtîgeha Tîpa E ya Amedê ji bo rakirina tecrîda girankirî ya li ser Rêberê Gelê Kurd Abdullah Ocalan dest b i greva birçîbûnê ya bêdem û bêdorveger kiribû. Guven di roja 79’emîn a çalakiyê de jî hate berdan.

Guven piştî ku hate berdan, çalakiya xwe li mala xwe ya li Rezan a Amedê berdewam kir. Guven li ser banga Ocalan jî di 26’ê gulanê de ango di roja 200’emîn de çalakiya xwe bi dawî kir.

Bi bidawîkirina çalakiyê re jî Guven derbasî nexweşxaneyê hatibû kirin û demekî li nexweşxaneyê hate dermankirin. ENQERE

Dikarî Biecibînî