Barzanî bersiv da Trump: Xwîna kurdan ji pere û çekan pir binirxtir e

Navenda Nûçeyan

Serokê giştî yê PDK’ê Mesûd Barzanî li ser hesaba xwe ya twîtterê bersiv da serokê DYA’yê Donald Trump û got; ‘Xwîna kurdan ji pere û çekan pir binirxtir e.’

Serokê Dewletên Yekbûyî yên Amerîkayê (DYA) Donald Trump têkildarî vekişîna hêzên wan a li ser sînorê di navbera rojava û bakurê Kurdistanê de û rêdayîna dagirkeriyê ya ji bo dewleta tirk re axivî bû. Trump îdia kiribû ku wan ji bo şer gelek pere û çek dane şervanên kurd.

Li ser vê yekê serokê Partiya Demokratîk a Kurdistanê (PDK) Mesûd Barzanî li ser hesaba xwe ya twîtterê bersiv da Donald Trump.

Peyama Mesûd Barzanî wiha ye: “Birêz serokomar Trump vê baş bizanin ku gelê Kurdistanê ji bo mafên xwe yên rewa her tim têkoşiyaye. Hêzên pêşmerge li dijî DAIŞ’ê şer kir û têk bir. Bi vê yekê re jî di têkoşîna li dijî terorê de bû parçeyeke girîng ê hêzên koalîsyonê. Xwîna kurdan ji pere û çekan pir binirxtir e. Spas dikim.”

Dikarî Biecibînî