YNK’ê bertek nîşanî êrîşên dewleta tirk da

Endamê Mekteba Siyasî ya YNK’ê Seadî Ehmed Pîre diyar kir ku êrîşên dewleta tirk ên li dijî Rojava rewa nînin û wiha got; ‘Em ji ber van êrîşan bi fikarin. Divê êrîşên dewleta tirk ên li ser Rojava bên sekinandin.’

Endamê Mekteba Siyasî ya Yekitiya Niştîmaniya Kurdistanê (YNK) Seadî Ehmed Pîre di civîneke çapemeniyê de bersiva Yekitî ya ji bo çend pirsan ragihand. Yek ji wan pirsên hatin kirin girêdayî êrîşên dagirkerî yên dewleta tirk a li ser rojavayê Kurdistanê bû.

Têkildarî mijarê Pîre anî ziman ku di demek berê yê nêz de li ser rojavayê Kurdistanê pir êrîşên ne rewa çêbûn û wiha domand: “Ji ber van êrîşan jî hejmarekê zêde şehîd û birîndar çêbûn. Her wiha gelek kes jî koçber bûn.”

Pîre da zanîn ku ew weke Yekitiya Niştimaniya Kurdistanê ji du hêlan ve ji wan êrîşan bi fikar in û ew hêl jî wiha destnîşan kir: “A yekem; erkekî niştimanî ye ku em kurd bersiva wê pirsê bidin û daxwaz bikin ku muameleyeke rewa bê kirin û ew êrîş bên sekinandin. A duyemîn jî; ji ber wan êrîşan hejmareke zêde kes koçber bûne û bera xwe dane herêma Kurdistanê ku ew yek jî erkê herêma Kurdstanê girantir dike.” HEWLÊR

Dikarî Biecibînî