Bê pere nexweşan tedawî dike

Li navçeya Ranyayê bijîşkek bê pere xizmeta tenduristiyê dide xelkê hejar

Bijîşk Karzan Zirar pisporê nexweşiyên çerm e û li navçeya Ranyayê ya herêma Raperîn a Silêmaniyê li ofîsa xwe ya taybet bê pere xelkê hejar muayene û derman dike.

Bijîşk Karzan Zirar ku di heman demê de li nexweşxaneya hikûmetê de jî kar dike, piştî ku karê wî yê li nexweşxaneyê bidawî dibe, derbasî ofîsa xwe ya taybet dibe û li wir xelkê hejar muayene dike.

Karzan Zirar têkildarî mijarê ji Rojnewsê re axivî û diyar kir ku wî ev ofîs vekiriye û ev agahî dan: “Min biryara çêkirina ofîsek bijîşkiyê da ku ez karibim hemû karkerên di kompaniyan de kar dikin û karmendên şaredariyê, kêmendam, xwendekarên ku ji derveyî bajar hatine vir dixwînin, zarokên şehîdan û xelkê hejar derman bikim. Ez vê yekê weke erkek exlaqî û mirovî dibînim.”

Bijîşk Karzan Zirar diyar kir ku ew dixwaze her bijîşkek alîkariya xelkê hejar û kêmendam bike. SILÊMANÎ

Dikarî Biecibînî