Li gerstêrkeke nû nîşaneyên jiyanê

Navenda Nûçeyan

Astronomên neprofesyonel (amator) gerstêrkeke ku du qat ji cîhanê mezintir û nîşaneyên jiyanê lê hene, keşf kir. Li gerstêrka ku navê K2-288Bb lê hatiye kirin, av bi awayekî şilavî hate dîtin

Astronomên neprofesyonel, gerstêrkeke ku 226 salên ronahiyê dûr û nîşaneyên jiyanê lê hene, kefş kir. Astronomên ku ji daneyên teleskopa fezayê ya NASA’yê ya bi navê Kepler sûd wergirtin, gerstêrke nû li stêrkeke li Komstêrka Taurusê kefş kirin. Gerstêrka du qatî dinyayê mezin û nîşaneyên jiyanê lê heye, di nav astronoman de rê li ber kelecanê vekir.

Keşfa ku bi taybetî jî ji hêla astronomên neprofesyonel û sivîl ve hatiye kirin, bal kişand. Astronoman navê  K2-288Bb li gerstêrkê kir. Ji ber ku gerstêrk di nav herêma jiyan lê heye de ye, tê gotin av bi awayê şilavî heye. Lê tê destnîşankirin ku gelemperiya gerstêrkê bi zinar e yan jî ji gazên mîna ya gerstêrka Neptunê pêk tê. Piştî kefşkirina K2-288Bb’ê, tê payîn ku hûrgiliyên der barê wê de di demeke herî kin de dê di kovara The Astronomical Journal de bên parvekirin.

Gerstêrka xwedî du rojên sar ên bi cureya M ku ji hev 8,2 milyar km dûr e. Yek ji stêrkên ku ev gerstêrk germa xwe ji digire bi qasî nîva rojê, ya din jî ji sêyan tenê bi qasî parekî rojê ya mezin û giran e. Gerstêrka K2-288Bb hîn biçûktir e û li rêgeha ya biçûktir a kêmronahî ye. Her gera xwe jî di 31 rojan de temam dike.