Motorê nû ji bo çûna Marsê

Bernameya SpaceX a ku ji xwe re kiriye armanc ku bi roketan keştiyên fezayî bişîne Marsê, testa pêşî ya bi temamî ya motorê Raptor (Teyrê dirinde) bi dawî kir. Heger ev motor serketî bin, wê roketên şirketê yên nû bi wan biçin fezayê.

Rêveberê Giştî yê Şirketê Elon Musk nûçe pişt rast kir û di ser hesabê xwe yê Twîtterê re jî çend dîmenên testê parve kirin. Cihê testê li McGregor a Texasê ye. Ev motor wê şûna motorên şirketê yên berê yên Merlin 1D bigirin û keştiyên fezayê bi roketan bibin heyvê, Marsê (Merîxê) û belkî ji Marsê û wê de. AUSTIN