Teqîneke mezin a li rojê dê ji bo cîhanê xetere be?

Navenda Nûçeyan

Anegorî zanyaran li stêrkên mîna rojê heke teqînên xurt çêbibin, stêrkên ciwan û yên temenê wan nêzî rojê ne jî dê karîger bibin

Di civîna 234’an a Meclisa Yekitiya Astronomiya Amerîkayê de ku li Saînt-Louîsê pêk hat, zanyaran karîgera teqînên xurt ên mîna rojê ku jê re ‘flare super’ tê gotin, ên li ser stêrkên din çespandin.

Anegorî zanyaran ev teqîn hem dikare dest li stêrkên aktîf û ciwan bide û hem jî dikare li ser ên berê jî karîger bibe. Ev jî nîşan dide ku tiştekî wiha dikare bi serê rojê were.

Heke mirov bala xwe bide ser çera teqînan, teqîna dîtir wê 2023-2024’an bibe. Teqîna li rojê dibe ku çend deqe yan jî çend saetan bidome.

Zanyar ji bo ku bigihînin vê encamê, li avaniya 43 stêrkan nerîn ku temenê wan nêzî yên rojê ne. Di encamê de ev tespît hate kirin; Li wan stêrkên mîna rojê, teqînên xurt dikarin bandorê li ser stêrkên temendirêj jî bikin.

Ji ber teqîna li rojê ya 2017’an li Ewropa û Amerîkayê torên telefonên asteng bûbûn.