aram

Li Hewlêrê nexweşiya penceşerê zêde bûye

Li gorî daneyan tenê li Hewlêrê di nav 6 mehan de 485 kes nexweşiya penceşerê ketine. Her wiha di sala 2018’an de jî bi tevahî 5 hezar 658 kes bi nexweşiya penceşerê ketine

Li gorî daneyên nexweşxaneya li Hewlêrê, di nava 6 mehên destpêka îsal de nêzî 964 kesan ji bo kontrolê serdana nexweşxaneyê kirine. Ji van aşkera bûye ku 485 kes bi nexweşiya penceşêrê ne. Her wiha li gorî daneyên hikûmeta başûrê Kurdistanê hejmara kesên di sala 2018’an de bi vê nexweşiyê ketine 5 hezar û 658 e û di sala 2017’an de hatiye aşkerakirin ku 667 kes bi nexweşiya penceşêrê ketine.

Li Başûr her ku diçe nexweşiya penceşêrê zêde dibe. Hinek li Başûr û hinek jî diçin ji derveye welat tedaviyê dibînin. Di nava şeş mehên destpêkê yên îsal de nêzî 964 kes ji bo kontrolê çûne nexweşxaneyê. Ji van 485 kes di dema kontrolê de aşkera bûne ku bi nexweşiya penceşêrê ketine û ev kes dibin kontrola bijîşkan de ne.

Li gorî daneyên Rêxistina Tenduristiya Cîhanê di sala 2018’an de zêdetirî 18 milyon û 100 hezar kes li cîhanê bi nexweşiya penceşêrê ketine. Her wiha di sala 2017’an de zêdetirî nîv milyon kesan ji ber nexweşiya penceşêrê jiyana xwe ji dest dane. HEWLÊR